ಕರ್ತವ್ಯದಲ್ಲಿ ಇದ್ದ ಮಹಿಳಾ ಪೊಲೀಸ್ ಸಬ್ ಇನ್ಸ್ಪೆಕ್ಟರ್ ಲೈವ್ ಜಾಲಿ
ಕರ್ತವ್ಯದ ಸಮಯದಲ್ಲಿ ಖಾಕಿ ಧರಿಸಿ ಜನಸಾಮಾನ್ಯರ ರಕ್ಷಣೆ ಮಾಡಬೇಕಾದ ಪೊಲೀಸರೇ ಕೆಲವೊಮ್ಮೆ ಇಂತಹ ವಿವಾದಾತ್ಮಕ ಚಟುವಟಿಕೆಗಳಲ್ಲಿ ಸಿಲುಕಿಕೊಳ್ಳುವುದು ಇಲಾಖೆಗೆ ಕಪ್ಪುಚುಕ್ಕೆ ತರುತ್ತದೆ. ಉತ್ತರ ಪ್ರದೇಶದ ಮೀರಾತ್ನಲ್ಲಿ ಇಂತಹದ್ದೇ ಒಂದು ಘಟನೆ ನಡೆದಿದ್ದು, ದೈನಂದಿನ ಪೊಲೀಸ್ ಕರ್ತವ್ಯ ಮುಗಿಸಿ ರಾತ್ರಿ ವೇಳೆ ಇನ್ಸ್ಟಾಗ್ರಾಮ್ನಲ್ಲಿ ಅಸಭ್ಯ ಚಾಟ್ ಹಾಗೂ ಲೈವ್ ಶೋ ನಡೆಸುತ್ತಿದ್ದ ಮಹಿಳಾ ಸಬ್-ಇನ್ಸ್ಪೆಕ್ಟರ್ (ದರೋಗೆ) ಕೊನೆಗೂ ಎಸ್ಪಿ ಆದೇಶದ ಮೇರೆಗೆ ಅಮಾನತುಗೊಂಡಿದ್ದಾರೆ.
ಅನು ರಾಣಿ (Anu Rani) ಎಂಬ ಹೆಸರಿನ ಈ ಮಹಿಳಾ ಪೊಲೀಸ್ ಅಧಿಕಾರಿ ಮೀರಾತ್ ಪೊಲೀಸರಲ್ಲಿ (Meerut Police) ಸೇವೆ ಸಲ್ಲಿಸುತ್ತಿದ್ದರು. ಈಕೆ ಹಗಲು ಹೊತ್ತಿನಲ್ಲಿ ಪೊಲೀಸ್ ಸಮವಸ್ತ್ರ ಧರಿಸಿ ಅಧಿಕೃತ ಕರ್ತವ್ಯ ನಿರ್ವಹಿಸುತ್ತಿದ್ದರೆ, ರಾತ್ರಿ ವೇಳೆ ಇನ್ಸ್ಟಾಗ್ರಾಮ್ನಲ್ಲಿ ಲೈವ್ ಬಂದು ತನ್ನದೇ ಆದ ‘ಖಾಸಗಿ ಪ್ರೋಗ್ರಾಂ’ ನಡೆಸುತ್ತಿದ್ದರು ಎಂದು ಆರೋಪಿಸಲಾಗಿದೆ.
ಕ್ಯೂಆರ್ ಕೋಡ್ ಸ್ಕ್ಯಾನ್ ಮಾಡಿ, ಹಣ ಪಾವತಿಸಿ!
ಇನ್ಸ್ಟಾಗ್ರಾಮ್ ಲೈವ್ ಬರುವ ಈಕೆ, ವೀಕ್ಷಕರ ಬಳಿ ಅಶ್ಲೀಲವಾಗಿ ಮಾತನಾಡುತ್ತಾ ಹಣ ಸಂಗ್ರಹಿಸುವ ದಂಧೆಯಲ್ಲಿ ತೊಡಗಿಕೊಂಡಿದ್ದರು ಎನ್ನಲಾಗಿದೆ. ಲೈವ್ನಲ್ಲಿ ಮಾತನಾಡುತ್ತಾ, "ಒಂದು ವೇಳೆ ನಿಮಗೆ ಮೇಲಿನಿಂದ ಕೆಳಗಿನವರೆಗೆ ಏನಾದರೂ ಹಾಟ್ (Hot) ಆಗಿ ನೋಡಬೇಕಿದ್ದರೆ, ಸ್ಕ್ರೀನ್ ಮೇಲೆ ನೀಡಿರುವ ಬಾರ್ಕೋಡ್ಗೆ (QR Code) ಹಣ ಕಳುಹಿಸಿ. ಹಣ ಪಾವತಿಸಿದರೆ ಮಾತ್ರ ಎಲ್ಲವನ್ನೂ ತೋರಿಸುತ್ತೇನೆ, ಬಂದು ದರ್ಶನ ಮಾಡಿ" ಎಂದು ಬಹಿರಂಗವಾಗಿಯೇ ಹಣಕ್ಕೆ ಬೇಡಿಕೆ ಇಡುತ್ತಿದ್ದರು ಎಂದು ಹೇಳಲಾಗಿದೆ.
ವೀಡಿಯೊ ವೈರಲ್, ಕೊನೆಗೆ ಅಮಾನತು!
ಸಮಾಜದಲ್ಲಿ ಕಾನೂನು ರಕ್ಷಿಸಬೇಕಾದ ರಕ್ಷಕಳೇ ಈ ರೀತಿಯ ಅಸಭ್ಯ ಮತ್ತು ವಿವಾದಾತ್ಮಕ ಕೃತ್ಯಗಳಲ್ಲಿ ತೊಡಗಿಸಿಕೊಂಡಿರುವ ವೀಡಿಯೊಗಳು ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ವೈರಲ್ ಆದವು. ಇದರ ಗಂಭೀರತೆಯನ್ನು ಪರಿಗಣಿಸಿದ ಹಿರಿಯ ಪೊಲೀಸ್ ವರಿಷ್ಠಾಧಿಕಾರಿಗಳು (SP) ತಕ್ಷಣವೇ ಕ್ರಮ ಕೈಗೊಂಡು ಮಹಿಳಾ ಸಬ್-ಇನ್ಸ್ಪೆಕ್ಟರ್ ಅನು ರಾಣಿ ಅವರನ್ನು ಸೇವೆಯಿಂದ ಅಮಾನತುಗೊಳಿಸಿ (Suspend) ಆದೇಶ ಹೊರಡಿಸಿದ್ದಾರೆ.
ಸದ್ಯ ಈ ಘಟನೆ ಉತ್ತರ ಪ್ರದೇಶ ಪೊಲೀಸ್ ಇಲಾಖೆಯಲ್ಲಿ ತೀವ್ರ ಚರ್ಚೆಗೆ ಗ್ರಾಸವಾಗಿದ್ದು, "ಇನ್ನು ಮುಂದೆ ಈ ದೀದಿ ಹಗಲಿನಲ್ಲೂ ಲೈವ್ ಬರ್ತಾರೆ, ಬಟ್ ಈ ಬಾರಿ ಪಾವತಿಸುವ ಮೊತ್ತ ಮಾತ್ರ ಹೆಚ್ಚಿರುತ್ತದೆ" ಎಂಬ ವ್ಯಂಗ್ಯದ ಮಾತುಗಳು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿವೆ.
